2023లో తెలంగాణలో 10 స్టార్టప్స్ లో పెట్టుబడి పెట్టనున్న వి ఫౌండర్ సర్కిల్
రాబోయే 5 ఏళ్లలో 50 స్టార్టప్స్ లో పెట్టుబడి.
హైదరాబాద్: విజయవంతమైన, వ్యూహాత్మక ఏంజెల్స్ గ్లోబల్ కమ్యూనిటీ నేతృత్వంలోని ప్రారంభ-దశ స్టార్టప్ ఇన్వెస్ట్‌మెంట్ ప్లాట్‌ఫామ్ అయిన వి-ఫౌండర్ సర్కిల్ (WFC) ఆంధ్ర-తెలంగాణ ప్రాంతాల కోసం తన పెట్టుబడి ప్రణాళికలను ప్రకటించి, లక్ష్యాలను ఆవిష్కరించింది. రాబోయే 5 సంవత్సరాలలో ఈ ప్రాంతంలోని 50కి పైగా స్టార్టప్‌లలో పెట్టుబడి పెట్టడం, 2023లో కనీసం 8 స్టార్టప్ లకు నిధులు సమకూర్చడం ఈ లక్ష్యాల్లో ఉన్నాయి. WFC ఇప్పటికే తన పోర్ట్‌ఫోలియోలో ఈ ప్రాంతం నుంచి వచ్చిన 5 కంటే ఎక్కువ స్టార్టప్‌లను కలిగి ఉంది. హైదరాబాద్ టెక్ హబ్‌గా మారుతున్నందున ఇక్కడి నుండి చాలా వినూత్న స్టార్టప్‌లు రావడాన్ని పరిగణనలోకి తీసుకుని, దేశీయ స్టార్టప్ వ్యాపార నమూనాలను తీర్చడానికి WFC ఇటీవల ఇన్వెస్ట్ ట్రస్ట్ ఫండ్‌ను ప్రకటించింది.
వి ఫౌండర్ సర్కిల్ సహ వ్యవస్థాపకుడు శ్రీ నీరజ్ త్యాగిఈ సందర్భంగా మాట్లాడుతూ, “ఆటో సర్వీస్, Web3, SAAS మొదలైన చాలా స్టార్టప్ వర్టికల్స్ కోసం, హైదరాబాద్ లాంచ్‌ప్యాడ్‌గా మారింది. హైదరాబాద్-తెలంగాణ ప్రాంతాల్లో స్టార్టప్‌ల కోసం మనం చూస్తున్న విజయానికి ఉత్తమ ఉదాహరణలు హెసా (Hesa), కస్మాట్ (CUSMAT). అవి దేశంలో సంచలనం సృష్టిస్తున్నాయి. వాటిలోWFC పెట్టుబడి పెట్టింది అలాగే వాటి చివరి రెండు ఫండింగ్ రౌండ్‌లను ఏర్పాటు చేసింది. మేం ఈ స్టార్టప్‌లను సంచలనం కలిగించే సాంకేతికత, నిధులు, మార్గదర్శకత్వం శక్తివంతమైన కలయిక స్టార్టప్‌లకు ఏమి చేయగలదో అనేదానికి ఇవి అత్యుత్తమ ఉదాహరణలుగా నిలుస్తాయి. స్టార్టప్ విజయవంతం కావడానికి ఏమి అవసరమో అర్థం చేసుకోవడంలో మాకు నేర్పు ఉంది. అగ్రిటెక్, SAAS, Web3, Deep Tech, EV,AI వంటి వాటినిమరింత లోతుగా అన్వేషించడానికి మేంయోచిస్తున్నాం. ఇది అభివృద్ధి చెందుతున్న సాంకేతిక పరిజ్ఞానాల వృద్ధిని మరింత ముందుకు తీసుకెళ్లుతుంది, దేశంలో పెరుగుతున్న టెక్ హబ్‌కు దోహదం చేస్తుంది. మేం హైదరాబాదును తదుపరి “బెంగళూరు”గా భావిస్తున్నాం’’ అని అన్నారు.
“చాలా మంది మదుపరులు భారతదేశంలోని ద్వితీయ, తృతీయ శ్రేణినగరాల నుండి వచ్చారు – వాస్తవానికి, వీరే చాలా ఎక్కువ మందిగా ఉన్నారు. ఆంధ్ర-తెలంగాణ ప్రాంతంలోని ద్వితీయ, తృతీయ శ్రేణిప్రాంతాల నుండి మదుపరులను శక్తివంతం చేయడానికి మేము దూకుడు ప్రణాళికలతో ముందుకు వస్తున్నాం. ఆ తర్వాత ఇన్వెస్టర్ మీట్‌లు మరియు స్టార్టప్ మీట్‌లుజరుగుతాయి, తద్వారా రెండు వైపుల అనుసంధానం ఇక్కడ కూడా బాగా స్థిరపడనుంది.ప్రారంభ దశ స్టార్టప్ పెట్టుబడులను ప్రజాస్వామ్యీకరించడంలో ప్లాట్‌ఫామ్‌ను విస్తరించడానికిWFC స్థానిక ఆవరణ వ్యవస్థలైన టి-హబ్‌ వంటి వాటితో భాగస్వామ్యాన్ని కలిగి ఉంది. ఒక ప్రాంతం స్టార్టప్ ఆవరణ వ్యవస్థను నిర్మించడంలో స్థానిక ఆవరణ వ్యవస్థలు ముఖ్యమైన పాత్ర పోషిస్తాయని మేం విశ్వసిస్తున్నాం, అటువంటి భాగస్వామ్యాలను మరిన్ని సృష్టించాలని మేంయోచిస్తున్నాం. మేం కూడా ఈ ప్రాంతంలో మా మదుపరుల బలాన్ని నిశ్శబ్దంగా పెంపొందించుకున్నాం, అద్భుతమైన విజయాన్ని అందుకున్నాం” అని వి ఫౌండర్ సర్కిల్ సహ వ్యవస్థాపకుడు గౌరవ్ వికె సింఘ్వి అన్నారు.
తన అగ్రెసివ్ ప్రణాళికల ప్రయాణాన్ని ప్రారంభించడానికి వి ఫౌండర్ సర్కిల్ హైదరాబాద్‌లో జరుగుతున్న TiE గ్లోబల్ సమ్మిట్ 2022తో భాగస్వామ్యం కలిగి ఉంది. ఈవెంట్‌లో పెట్టుబడులను సులభతరం చేయడం ద్వారా WFC తన ప్రయత్నాన్ని #AmbitionHyderabad ప్రారంభించేందుకు ఈ సహకారం వీలు కల్పిస్తుంది.
We Founder Circle గురించి:
2020లో ముంబైలో స్థాపించబడిన We Founder Circle అనేది విజయవంతమైన వ్యవస్థాపకులు &వ్యూహాత్మక ఏంజిల్స్ గ్లోబల్ కమ్యూనిటీ.ఇది స్టార్టప్ పరిశ్రమను ముందుకు తీసుకెళ్లడానికి,దానిని దూకుడుగా వృద్ధి చేసేందుకుఏర్పడింది.ఆశయం, సుస్థిరత, వ్యూహాత్మక విధానంతో కూడుకున్న ప్రారంభ దశ స్టార్టప్‌లలో ఇది 50 వేల నుంచి 2 మిలియన్ అమెరికన్ డాలర్లను పెట్టుబడిగా పెడుతుంది. సీడ్ ఫండింగ్, వ్యాపారాభివృద్ధి, గ్లోబల్ నెట్‌వర్కింగ్ అవకాశాలను ప్రారంభదశ స్టార్టప్‌లకు ఇది అందిస్తుంది. స్టార్టప్ లు స్థిరంగా నిలదొక్కుకునేందుకు ఆర్థిక మద్దతు కంటే ఇవి చాలా అవసరం అని డబ్ల్యూఎఫ్ సి నమ్ముతుంది. ఇది ఇప్పటికే 2021 సంవత్సరంలోనే 33 స్టార్టప్ డీల్స్‌లో 12 మిలియన్ డాలర్లవిలువైన పెట్టుబడులు పెట్టింది మరియు ప్రారంభం అయినప్పటి నుండి 70+ స్టార్టప్‌లలో పెట్టుబడి పెట్టింది.